1991 թ.-ի սեպտեմբերի 21-ին հանրաքվեի արդյունքում Հայաստանի Հանրապետությունը հռչակեց իր անկախությունը և նույն տարում Հայաստանը մտավ Անկախ երկրների համագործակցություն (ԱՊՀ): Այժմ Հայաստանի Հանրապետությունը անկախ ժողովրդավարական երկիր է՝ շուրջ 3.2 միլիոն բնակչությամբ: Այն ունի շատ մեծ սփյուռք, միջինը 8 միլիոն հայ է ապրում ամբողջ աշխարհում: Հայաստանի Հանրապետությունը ՄԱԿ-ի, Եվրոպայի խորհրդի և այլ միջազգային կազմակերպությունների անդամ է:

Հայաստանն աշխարհի հնագույն երկրներից է: Այն փոքր երկիր է, որը Եվրոպան կապում է Ասիայի հետ: Ավելի քան 2000 տարի առաջ այն Մերձավոր Արևելքում երրորդ ամենամեծ պետությունն էր՝ Հռոմեական կայսրությունից և Պարթևաստանից հետո: Փաստերից մեկը, որ Հայաստանը հնագույն երկիր է, աշխարհի բաբելոնական քարտեզն է (մ. թ. ա. VI դար), որը պահվում է Բրիտանական թանգարանում: Այն փոքր կավե տախտակ է, որտեղ աշխարհի կենտրոնում գրանցված են երեք երկիր՝ Բաբելոնը, Ասորեստանը և Հայաստանը: